Դավիթ Ղազինյանի գործով անցնում է նաև նրա սանիկը. նա նույնպես կալանավորվել է

«Ուժեղ Հայաստան» կուսակցության պատգամավորի թեկնածու Դավիթ Ղազինյանի սանիկը` Արամ Սարգսյանը, կալանավորվել է։ Այս մասին Հակակառուպցիոն կոմիտեն հայտնել է տեղական ԶԼՄ,–ներին՝ նշելով, որ նա կալանավորվել է նույն գործով, ինչ Ղազինյանը։

 

Կոմիտեից հայտնեցին նաև՝ քրեական վարույթով անցնում է 8 մեղադրյալ. 2–ի նկատմամբ խափանման միջոց է ընտրված կալանքը, 3–ի նկատմամբ` տնային կալանքը։

Արամ Սարգսյանը «Ուժեղ Հայաստան» կուսակցության գրասենյակներից մեկի ղեկավարն է։

 

Հիշեցնենք՝ «Ուժեղ Հայաստանի» պատգամավորի թեկնածու Դավիթ Ղազինյանը կալանքի տակ է ընտրակաշառքի գործով։