Դեսպան Նարեկ Մկրտչյանը հյուրընկալել է ԱՄՆ Կոնգրեսի անդամ Աբե Համադեհին

Ամերիկայի Միացյալ Նահանգներում Հայաստանի Հանրապետության դեսպան Նարեկ Մկրտչյանը հյուրընկալել է ԱՄՆ Կոնգրեսի անդամ Աբե Համադեհին, այս մասին տեղեկանում ենք ԱՄՆ–ում ՀՀ դեսպանի տարածած գրառումից։

«ԱՄՆ Կոնգրեսի անդամ Աբե Համադեհի հետ հանդիպմանը քննարկել ենք հայ-ամերիկյան հարաբերությունների ընթացիկ օրակարգը, անդրադարձել երկկողմ հարաբերությունների խորացման հեռանկարներին՝ հիմնված տարածաշրջանային խաղաղության և կայունության ապահովման վրա»,– ասվում է հաղորդագրությունում։

Զրուցակիցները վերահաստատել են շարունակական երկխոսության և համագործակցության ամրապնդման հանձնառությունը։