ԵԱԶԲ-ն բարելավել է Հայաստանի տնտեսական աճի կանխատեսումը. ի՞նչ է սպասվում դրամին ու գներին

Եվրասիական զարգացման բանկը (ԵԱԶԲ) հրապարակել է «Մակրոտնտեսական կանխատեսում 2026 - 2028 թթ.» հերթական զեկույցը, որտեղ զգալիորեն բարելավել է Հայաստանի տնտեսական ցուցանիշների գնահատականները։

Ըստ վերլուծաբանների՝ նախորդ՝ դեկտեմբերյան կանխատեսման համեմատ Հայաստանի տնտեսական աճի սպասումները 2026 թվականի համար բարձրացվել են 0.7 տոկոսային կետով, իսկ 2027-ի համար՝ 0.4 տոկոսային կետով։

Զեկույցում առանձնանում են հետևյալ առանցքային կանխատեսումները.

• Տնտեսական աճ. 2026 թվականի համար կանխատեսվում է 6%, իսկ 2027 թվականի համար՝ 5.7% աճ։

• Ազգային արժույթ. Ակնկալվում է, որ 2026 թվականին ՀՀ դրամի տարեկան միջին փոխարժեքը կամրապնդվի՝ կազմելով 376 դրամ՝ 1 դոլարի դիմաց։ Դրամի դիրքերի ամրապնդմանը կնպաստեն արտահանման ծավալների վերականգնումն ու զբոսաշրջային բարձր ակտիվությունը։

Համաշխարհային շուկաներում էներգակիրների և սննդամթերքի գների աճի հետևանքով Հայաստանում ևս կանխատեսվում է գնաճի որոշակի արագացում.

• 2026 թ. վերջին՝ 4.4% գնաճ,

• 2027 թ. վերջին՝ 3.9% գնաճ։

2026 թվականի կանխատեսումներով՝ եվրասիական տարածաշրջանի երկրների շարքում տնտեսական աճի տեմպերով առաջատար դիրքերում են Կենտրոնական Ասիայի պետությունները.