Եկամուտների աճ և բյուջեի հավելուրդ՝ 2026-ի առաջին 5 ամիսներին

Հրապարակվել է ՀՀ 2026 թվականի հունվար–մայիս ամիսների պետական բյուջեի կատարման վերաբերյալ տվյալները, այս մասին հայտնում է ՀՀ Ֆինանսների նախարարությունը։

Այս ժամանակահատվածում պետական բյուջեի եկամուտները կազմել են 1,353 մլրդ դրամ՝ նախորդ տարվա նույն ժամանակահատվածի համեմատ աճելով 14.7%-ով կամ 173.2 մլրդ դրամով։

Պետական բյուջեի ծախսերը կազմել են 1,257 մլրդ դրամ՝ աճելով 4.5%-ով կամ 54.2 մլրդ դրամով։

Արդյունքում, 2026 թվականի հունվար–մայիս ամիսներին պետական բյուջեն կատարվել է 95.8 մլրդ դրամ հավելուրդով՝ նախորդ տարվա նույն ժամանակահատվածի 23.2 մլրդ դրամ պակասուրդի դիմաց։