«Եկե՛ք մեզ օգնության»․ ադրբեջանցի երեխաները շարունակում են հիջաբ կրելու ազատություն պահանջել

Թուրք լրագրող և գրող Ադեմ Օզքյոսեն X սոցիալական ցանցում տեսանյութ է հրապարակել, որում Ադրբեջանում հիջաբներով երեխաները դպրոցի մոտ օգնության կոչ են հնչեցնում՝ պահանջելով հիջաբ կրելու ազատություն։

Օզքյոսեն գրառմամբ փոխանցել է երեխաների կոչը՝ նշելով, որ Ադրբեջանում հիջաբ կրելու սահմանափակումների ենթարկված իր եղբայրներն ու քույրերը օգնության կարիք ունեն։

«Ո՛վ դուք, որ հավատում եք, ո՛վ դուք, ում սրտերում Ալլահի երկյուղն է ապրում, եկե՛ք մեզ օգնության։ Մի՞թե հավատացյալների մեջ չկա մեկը, ում սրտում Ալլահի երկյուղ կա։ Մենք պահանջում ենք հիջաբ կրելու ազատություն»,- գրել է նա՝ մեջբերելով երեխաների կոչը։

Azerbaycan’da başörtüsü yasağına maruz kalan kardeşlerimiz haykırıyor: “Ey imanlı olanlar, ey yüreğinde Allah korkusu olanlar bize destek olun. Yok mu imanlı olanlar, yok mu yüreğinde Allah korkusu olanlar? Hicaba azadlık istiyoruz.” https://t.co/ta9Uozwvb6

— Adem Özköse (@ademozkose) October 28, 2026

Ադրբեջանում դպրոցական համազգեստի նոր կանոնների կիրառման հետևանքով հիջաբ կրող որոշ աշակերտուհիների թույլ չեն տվել մուտք գործել դպրոց։ Սահմանափակումները դժգոհություն և բողոքի ակցիաներ են առաջացրել։