Էրդողանը հեռախոսազրույց է ունեցել Փեզեշքիանի հետ

Տեղի է ունեցել Թուրքիայի նախագահ Ռեջեպ թայիպ Էրդողանի և Իրանի նախագահ Մասուդ Փեզեշքիան հեռախոսազրույցը, հայտնում են Թուրքիայի նախագահի մամլո ծառայությունից:

Նշվում է, որ նախագահները քննարկել են հաստատված հրադադարը և տարածաշրջանում անվտանգային իրավիճակը։ Էրդողանը զրույցի ընթացքում նշել է, որ հրադադարին հասնելու գործընթացում Թուրքիան շահագրգիռ երկրների հետ միասին ինտենսիվ ջանքեր է գործադրել։

Նա ընդգծել է, որ առաջիկա օրերին սկսվելիք բանակցություններից պետք է առավելագույնս օգտվել կայուն խաղաղության և կայունության հասնելու համար, և որ կարևոր է հնարավորություն չտալ  նրանց, ովքեր ցանկանում են խափանել գործընթացը։ Նա շեշտել է, որ Թուրքիան այս նոր փուլում ևս պատրաստ է բարեկամական երկրների հետ միասին ամեն տեսակի աջակցություն ցուցաբերել։

Էրդողանը կրկին ցավակցել է Իրանի ժողովրդին ունեցած կորուստների կապակցությամբ, ապա նաև ընդգծել է, որ Թուրքիայի նպատակը տարածաշրջանում  ողջախոհության և երկխոսության նոր միջավայրի ձևավորումն է։