Երեք օրում գրանցվել է 50 ավտովթար․ 1 մարդ զոհվել է, 74-ը ստացել տարբեր աստիճանի մարմնական վնասվածքներ

ՀՀ ՆԳՆ ոստիկանության ստորաբաժանումները հուլիսի 10-13-ը հանրապետությունում բացահայտել են 262 հանցագործության դեպք, որոնցից 4-ը՝ նախկինում կատարված:

Ըստ պաշտոնական վիճակագրության՝ բացահայտված դեպքերի զգալի մասը վերաբերում է տրանսպորտային իրավախախտումներին և անձի դեմ ուղղված արարքներին։

• 64 դեպք՝ առանց վարորդական իրավունքի կամ զրկված/կասեցված իրավունքով տրանսպորտային միջոց վարելը.

• 35 դեպք՝ ֆիզիկական ներգործություն.

• 26 դեպք՝ մարմնական վնասվածք պատճառելը.

• 25-ական դեպք՝ խարդախություն և թմրանյութի հայտնաբերում.

• 15 դեպք՝ հոգեկան ներգործություն.

• 7-ական դեպք՝ խուլիգանություն և սառը զենքի հայտնաբերում.

• 6 դեպք՝ զենք-զինամթերքի առգրավում.

• 4 դեպք՝ թմրանյութի իրացում.

• 3 դեպք՝ անձնական ունեցվածքի գողություն։

Բացահայտվել են նաև կողոպուտի, բնակարանային գողության, պաշտոնեական լիազորությունների չարաշահման, շորթման, կենդանիների նկատմամբ դաժան վերաբերմունքի և այլ հանցագործությունների առանձին դեպքեր:

• 21 հետախուզվող է հայտնվել իրավապահների տեսադաշտում (17-ը հայտնաբերվել են, 4-ը՝ կամավոր ներկայացել)։

• Գրանցվել է զենք-զինամթերքի կամավոր հանձնման 3 դեպք։

Անցած 3 օրերի ընթացքում հանրապետությունում արձանագրվել է 50 ավտովթար։ ՃՏՊ-ների հետևանքով 1 մարդ զոհվել է, ևս 74-ը ստացել են տարբեր աստիճանի մարմնական վնասվածքներ։