Երևանի քաղաքապետարանը հրավիրում է նշելու հունիսի 1-ը

Երևանի քաղաքապետարանը տեղեկացնում է, որ հունիսի 1-ին՝  երեխաների պաշտպանության միջազգային օրվան նվիրված, մայրաքաղաքում իրականացվելու են միջոցառումներ, որոնցով էլ փոքրիկներին ապահովելու են լավ տրամադրություն:

«Սիրելի երևանցիներ և մայրաքաղաքի հյուրեր,

մոտենում է տարվա ամենագունավոր, ամենաուրախ ու ամենասպասված օրը՝ հունիսի 1-ը, և այդ օրվա գլխավոր հերոսը քաղաքի պահապան ու բոլորիս սիրելի Առյուծիկն է:
Հունիսի 1-ին՝ ժ. 12:00-18:00-ն հրավիրում ենք բոլորիդ Կարապի լիճ և Հյուսիսային պողոտա՝ միասին հետաքրքիր ժամանակ անցկացնելու և խաղալու:
Իսկ 20:30-ին Ազատության հրապարակում Առյուծիկը կբացահայտի մի շատ կարևոր գաղտնիք:
Սպասում ենք բոլորիդ»: