Ես հավատացած եմ, որ մեր «Ջերմուկը» բարձր որակի է

Լրագրողների հետ հանդիպման ժամանակ ՀՀ էկոնոմիկայի նախարար  Գևորգ Պապոյանը՝ խոսելով Ռուսաստանի տարածքում «Ջերմուկի» վաճառքի արգելքի մասին վստահեցրել է, որ դա լուծվող հարց է:

«Էդպիսի հարցե՞ր ենք լուծել։ Ամեն ինչ կլուծվի: Ես հավատացած եմ, որ մեր «Ջերմուկը» բարձր որակի է, համապատասխանում է բոլոր ստանդարտներին և բացարձակ կասկած չունեմ, որ հարցը լուծվելու », - ասաց Պապոյանը։

Այս խնդրի հետ կապված Գևորգ  Պապոյանը քաղաքական ենթատեքստ չի տեսնում և ասաց, որ իրենք էլ հիմա որոշ ապրանքների հետ կապված ստուգումներ են անում: Այս պահին կանգնեցված է որոշ կոնյակների արտահանումը, որովհետև  երկրից դուրս եկող ապրանքները բարձր որակական չափանիշներ պետք է  ունենան: