Եվս մեկ քայլ դեպի ԱԲ գերհամակարգչային կարողությունների զարգացմանը

Օրերս Հայաստանում ՀՀ բարձր տեխնոլոգիական արդյունաբերության նախարարության և Firebird AI ընկերության միջև ստորագրված 25 մլն ԱՄՆ դոլար արժողությամբ բարձր արտադրողականությամբ հաշվողական ռեսուրսների ձեռքբերման պայմանագրին է անդրադարձել Nvidia ընկերության փոխնախագահ Ռև Լեբարեդյանը՝ LinkedIn-ի իր էջում:

«Այս ձեռքբերումով Հայաստանն աշխարհին ասում է, որ մենք հավատում ենք ինքներս մեզ։ Մենք հավատում ենք, որ ԱԲ գերհամակարգչային հնարավորություններին հասանելիության դեպքում մեր հետազոտողները, նորարարները, հիմնադիրները և քաղաքացիները կունենան այն գործիքները, որոնք անհրաժեշտ են համաշխարհային հարթակում մրցելու և Հայաստանը դարձնելու համաշխարհային մակարդակի ԱԲ ոլորտում:

Nvidia ընկերության փոխնախագահ Ռև Լեբարեդյանը կարծում է, որ Հայաստանի կողմից ԱԲ գերհամակարգչային կարողությունների զարգացմանն ուղղված քայլը կարևոր ուղերձ է միջազգային հանրությանը:

«Սա միայն սկիզբն է»,- նշված է գրառման մեջ։