Ֆրանսիան կանգնեցրել է Ռուսաստանի նավթատար տանկերը միջազգային ջրերում․ Մակրոն
Էմանուել Մակրոնը հայտնել է, որ Ֆրանսիայի ռազմածովային ուժերը միջազգային ջրերում կանգնեցրել են Ռուսաստանի ծագում ունեցող «Tagor» տանկերը՝ միջազգային պատժամիջոցների խախտման կասկածով։ Գործողությունը իրականացվել է գործընկերների աջակցությամբ՝ ծովային իրավունքի շրջանակում։
Էմանուել Մակրոնը X-ի իր էջում հրապարակում է արել գրելով․
«Ֆրանսիայի ռազմածովային ուժերը երեկ առավոտյան Ատլանտյան օվկիանոսում, միջազգային ջրերում, կանգնեցրել են միջազգային պատժամիջոցների տակ գտնվող նոր տանկեր՝ Ռուսաստանից ծագող «Tagor»-ը։ Մեր վճռականությունը հաստատուն և անսասան է։
Այս գործողությունն իրականացվել է Ատլանտյան օվկիանոսում՝ միջազգային ջրերում, մի քանի գործընկերների, այդ թվում՝ Միացյալ Թագավորության աջակցությամբ՝ ծովային իրավունքի խիստ պահպանմամբ։
Անընդունելի է, որ նավերը շրջանցեն միջազգային պատժամիջոցները, խախտեն ծովային իրավունքը և ֆինանսավորեն այն պատերազմը, որը Ռուսաստանը վարում է Ուկրաինայի դեմ արդեն ավելի քան 4 տարի։
Այս նավերը, որոնք չեն պահպանում ծովային նավարկության ամենահիմնական կանոնները, նաև վտանգ են ներկայացնում շրջակա միջավայրի և բոլորի անվտանգության համար»։
Կարդացեք նաև
Տարածաշրջան1 հունիսի 2026
«Նորդուզ» սահմանային մաքսակետը ստացել է մասնագիտացված մաքսատան կարգավիճակ. Tasnim
Հրապարակված պաշտոնական ծանուցման համաձայն՝ այսուհետ նշված սահմանային կետով բոլոր տեսակի ապրանքների ներմուծումն իրականացվելու է մասնագիտացված կարգով։
Տարածաշրջան1 հունիսի 2026
Վրաստանն ու Ադրբեջանը քննարկել են պաշտպանության ոլորտի համագործակցությունը․ Իրակլի Կոբախիձե
Վրաստանի վարչապետ Իրակլի Կոբախիձեն հանդիպել է Ադրբեջանի պաշտպանության նախարար Զաքիր Հասանովին՝ քննարկելով երկկողմ համագործակցությունը, տարածաշրջանային զարգացումները և պաշտպանության ոլորտում ռազմավարական գործընկերությունը։ Կողմերը կարևորել են տարածաշրջանում խաղաղության և կայունության պահպանումը
Տարածաշրջան31 մայիսի 2026
Ֆրանսիայում 219 մարդ է տուժել ֆուտբոլային երկրպագուների և ոստիկանության միջև բախումների հետևանքով
ՊՍԺ-ի հաղթանակից հետո Ֆրանսիայում անկարգություններ են եղել․ 219 տուժած և հարյուրավոր ձերբակալվածներ