Ֆրանսիան շարունակում է հնացած և միակողմանի քաղաքական մոտեցումները ․ Ադրբեջանի ԱԳՆ

Ադրբեջանի ԱԳՆ խոսնակ Այհան Հաջիզադեն դատապարտել է Ֆրանսիայի ԱԳՆ պատասխանները՝ ուղղված սեփական խորհրդարանի պատգամավորներին։

Ըստ ադրբեջանական կողմի՝ այդ պատասխանները կանխակալ են և ցույց են տալիս Ֆրանսիայի միակողմանի մոտեցումը հայ-ադրբեջանական հարաբերությունների կարգավորման հարցում։ Հաջիզադեի պնդմամբ՝ Ֆրանսիան ցուցաբերում է «անհավասարակշիռ մոտեցում», անտեսում է Ադրբեջանի տարածքների նախկին «օկուպացիան»։

«Ֆրանսիան հեռու է չեզոք միջնորդ լինելուց, քանի որ ընդլայնում է ռազմական համագործակցությունը Հայաստանի հետ և սատարում է ԵՄ դիտորդական առաքելությանը»,–ասել է Հաջիզադեն։ Ըստ նրա՝ հայ գերիների վերաբերյալ հայտարարությունները «քաղաքական մանիպուլյացիա են»։