Էկոնոմիկա
7 օգոստոսի 2026 • 11:16
Գևորգ Պապոյանը հանդիպել է Համաշխարհային բանկի և Հայաստանի տարածքային զարգացման հիմնադրամի ներկայացուցիչների հետ
Հանդիպման ընթացքում քննարկվել են Զբոսաշրջության և մարզային ենթակառուցվածքների բարելավման (TRIP) ծրագրի ընթացքը և մի շարք այլ հարցեր։
ՀՀ էկոնոմիկայի նախարար Գևորգ Պապոյանը օգոստոսի 7-ին հանդիպել է Համաշխարհային բանկի և Հայաստանի տարածքային զարգացման հիմնադրամի ներկայացուցիչների հետ։ Հանդիպմանը ներկա է եղել նաև ՀՀ ԷՆ Զբոսաշրջության կոմիտեի նախագահ Լուսինե Գևորգյանը։ Այս մասին հայտնում են ՀՀ Էկոնոմիկայի նախարարությունից։
Հանդիպման ընթացքում քննարկվել են Զբոսաշրջության և մարզային ենթակառուցվածքների բարելավման (TRIP) ծրագրի ընթացքը, ինչպես նաև դրա իրականացման մեխանիզմների կատարելագործման, գործընթացների ճկունացման և արագացմանն առնչվող հարցեր։
Կարևորելով ծրագրի դերը զբոսաշրջության զարգացման և մարզային ենթակառուցվածքների արդիականացման գործում՝ կողմերը վերահաստատել են պատրաստակամությունը շարունակել սերտ համագործակցությունը՝ նախատեսված միջոցառումների արդյունավետ իրականացումն ապահովելու նպատակով։
TRIP ծրագրով նախատեսվում է 120 միլիոն եվրոյի ներդրում՝ Գորիսի, Արենիի, Ջերմուկի, Եղեգիսի, Դվինի, Գյումրու և Դիլիջանի զբոսաշրջային կլաստերների զարգացման համար։ Ծրագիրը նպատակ ունի խթանել գինու, առողջարանային, արկածային, մշակութային, կրթական և էկոզբոսաշրջության զարգացումը:
Կարդացեք նաև
Էկոնոմիկա6 օգոստոսի 2026
Քննարկվել են «Subway» միջազգային արագ սննդի ցանցի՝ Հայաստան մուտք գործելու և 60-ից ավելի մասնաճյուղերի բացման հնարավորությունները
Յուրաքանչյուր մասնաճյուղի ներդրումը կկազմի մոտ 150,000-ից 300,000 ԱՄՆ դոլար։
Էկոնոմիկա6 օգոստոսի 2026
ԵԱՏՄ-ի և ԱՄԷ-ի միջև ազատ առևտրի համաձայնագիրը ուժի մեջ կմտնի հոկտեմբերի 6-ին
Այս մասին հայտնել է ԵՏՀ առևտրի նախարար Անդրեյ Սլեպնևը։
Էկոնոմիկա6 օգոստոսի 2026
Փաշինյանը կմասնակցի Չոլպոն-Ատայում կայանալիք Եվրասիական միջկառավարական խորհրդի նիստին
Ընդլայնված կազմով նիստը կկայանա օգոստոսի 7-ին: