Հակակոռուպցիոն կոմիտեն բացահայտել է ընտրակաշառքի դեպք «Ուժեղ Հայաստան» կուսակցության Ալավերդու գրասենյակներում

ՀՀ հակակոռուպցիոն կոմիտեն հայտնում է, որ իրականացված օպերատիվ միջոցառումների արդյունքում փաստական տվյալներ են ձեռք բերվել ընտրակաշառքի հնարավոր դեպքերի վերաբերյալ։

Ըստ նախնական տվյալների՝ «Ուժեղ Հայաստան» կուսակցության Լոռու մարզի Ալավերդի քաղաքի գրասենյակների պատասխանատուն, այլ անձանց հետ միասին, Ազգային ժողովի ընտրություններում կուսակցության օգտին քվեարկելու պայմանով մի շարք ընտրողների ընտրակաշառք է տվել։

Քննությամբ պարզվել է, որ հանցավոր գործունեությունը քողարկելու նպատակով քաղաքացիներին փոխանցված գումարները ներկայացվել են որպես կուսակցության տարբեր գրասենյակներում ձևակերպված աշխատանքի դիմաց վճարվող աշխատավարձ։ Սակայն նշված անձինք փաստացի չեն գրանցվել որպես աշխատակից և որևէ աշխատանք չեն կատարել՝ բացառությամբ իրենց կամ ընտանիքի անդամների քվեն ապահովելու։

Դեպքի առթիվ Հակակոռուպցիոն կոմիտեում նախաձեռնվել է քրեական վարույթ։ Ձերբակալվել են մի շարք անձինք, իրականացվել են խուզարկություններ և այլ վարութային գործողություններ։