Հանդիպել են Ադրբեջանի և Վրաստանի նախագահները. ինչ են քննարկել

Ապրիլի 6-ին Թբիլիսիում տեղի է ունեցել Իհլամ Ալիևի և Միխեիլ Կավելաշվիլիի դեմ առ դեմ հանդիպումը, տեղեկանում ենք Ադրբեջանի նախագահի պաշտոնական էջից։Հանդիպմանը նշվել է, որ Ադրբեջան-Վրաստան երկկողմ հարաբերությունները հիմնված են բարեկամության, բարիդրացիության և ռազմավարական գործընկերության սկզբունքների վրա: Զրուցակիցների համոզմամբ՝ երկկողմ համագործակցությունը հաջողությամբ զարգանում է տարբեր ուղղություններով՝ ներառյալ քաղաքական, տնտեսական, էներգետիկ, կանաչ էներգիայի, տրանսպորտի, ներդրումների և այլ ոլորտներում։ 

Անդրադարձ է կատարվել տարբեր մակարդակներում փոխայցելությունների դերին՝ հարաբերությունների ընդլայնման գործում։ Ընդգծվել է ԱՀ և Վրաստանի համատեղ իրականացվող տրանսպորտային և էներգետիկ նախագծերի կարևորությունը՝ նշելով դրանց ռազմավարական և տնտեսական նշանակությունը։ Հանդիպման ընթացքում շեշտվել է նաև Հարավ Կովկասում կայունության և անվտանգության ապահովման տեսանկյունից ԱՀ և ՀՀ միջև հարաբերությունների կարգավորման գործընթացի կարևորությունը։

Նախագահները գոհունակություն են հայտնել միջազգային կազմակերպությունների շրջանակում երկու երկրների համագործակցությունից և մտքեր են փոխանակել երկկողմ հարաբերությունների զարգացման հեռանկարների և այլ հարցերի շուրջ։