ՀԱՊԿ-ը պետք է շատ զգույշ լինի Հայաստանի հետ իր հարաբերություններում․ Լուկաշենկո

ՀԱՊԿ-ի աշխատանքում՝ Հայաստանի հետ պետք է լինել չափազանց զգույշ։ Այս մասին այսօր հայտարարել է Բելառուսի նախագահը Ալեքսանդր Լուկաշենկոն կազմակերպության գլխավոր քարտուղարի հետ հանդիպման ժամանակ, հայտնում է ԲԵԼՏԱ–ն:

Նախագահը նշել է, որ, չնայած որոշ ձեռքբերումներին, ՀԱՊԿ-ում կան նաև խնդիրային հարցեր, որոնց մասին բազմիցս բացահայտ է խոսել ինչպես միջազգային հանդիպումներում, այնպես էլ միջոցառումներում։ Այդպիսի հարցերից մեկը, որը պահանջում է հատուկ ուշադրություն՝ Հայաստանի հետ հարաբերություններն են։

«Մենք պետք է ավելի զգույշ և հստակ մոտեցում ցուցաբերենք Հայաստանի հետ աշխատանքում։ Դուք գիտեք, որ Հայաստանը կարծես թե չի աջակցում ՀԱՊԿ-ի գործունեությանը, բայց միևնույն ժամանակ մնում է կազմակերպությունում։ Պետք է շատ զգուշավոր լինել։ Հայաստանում իրավիճակը բավականին բարդ է, հատկապես ընտրական շրջանում։ Սրա համար մեզ հարկավոր է շատ զգույշ և ուշադիր լինել Հայաստանի հետ հարաբերություններում», - նշել է նախագահը։

Այս համատեքստում Բելառուսի ղեկավարը կարևորել է հանդիպումների կազմակերպումը ՀԱՊԿ-ի գլխավոր քարտուղարի և Հայաստանի ղեկավարության մակարդակով։ «Մասնավորապես այս՝ սրվող ընտրական շրջանում, երբ Հայաստանի ղեկավարությունը պատրաստ կլինի բացահայտ ու անկեղծ խոսել իրավիճակի մասին, այդ թվում նաև ՀԱՊԿ-ի հարթակում», - ընդգծել է նա։