Հայ-թուրքական սահմանը կարող է բացվել ամսվա վերջին․ թուրքական մամուլ

Թուրքական Kars Manşet-ը գրում է, որ Իգդիրում գտնվող Ալիջան սահմանային անցակետի «վերաբացման» աշխատանքները մոտենում են ավարտին։

Ըստ աղբյուրի՝ մաքսային կետի, ենթակառուցվածքների և ծառայողական շենքերի մեծ մասը արդեն պատրաստ է, և նպատակ կա անցակետը շահագործել մինչև այս ամսվա վերջ։

Նշվում է, որ տարիներ շարունակ փակ մնացած անցակետի բացումը կարող է ակտիվացնել տարածաշրջանային առևտուրը և տրանսպորտային կապերը։

Միևնույն ժամանակ, Աքյաքա (Կարս) հատվածում գտնվող սահմանային անցակետի վերաբերյալ առայժմ որևէ հստակ զարգացում չկա։