Հայաստանը և Ուզբեկստանը կհամաձայնեցնեն բեռնափոխադրումների կանոնները

Հայաստանի կառավարությունը պատրաստվում է հավանություն տալ Հայաստանի Հանրապետության և Ուզբեկստանի Հանրապետության միջև միջազգային ավտոմոբիլային հաղորդակցության մասին համաձայնագրի ստորագրման առաջարկին։ 

ՀՀ կառավարությունից նշում են, որ համաձայնագիրը կամրապնդի ՀՀ տնտեսական կապերը Կենտրոնական Ասիայի հետ և Հայաստանի համար կբացի նոր տրանսպորտային միջանցք՝ նվազեցնելով կախվածությունը գոյություն ունեցող երթուղիներից: