Հայաստանի միջազգային պահուստները հասել են ռեկորդային բարձր մակարդակի

Ազգային ժողովում Կենտրոնական բանկի նախագահի տեղակալ Արմեն Նուրբեկյանը տեղեկացրել է, որ Հայաստանի միջազգային պահուստները հասել են ռեկորդային բարձր մակարդակի։ Նրա տեղեկացմամբ՝ արդեն մոտավորապես 5․7 միլիարդից ավելի է, և սա ռեկորդային բարձր մակարդակ է։

Արմեն Նուրբեկյանը հայտնել է, որ այս տարվա ընթացքում Կենտրոնական բանկը գնել է շուրջ 1․1 միլիարդ դոլարի արտարժույթ։

«Միայն այս տարի մոտավորապես արդեն 1․1 միլիարդ դոլարի արտարժութային պահուստ ենք գնել»,-նշել էԿԲ նախագահի տեղակալը։