Հայաստանից ծաղիկների ժամանակավորապես արտահանման արգելքի մասին ՌԴ-ից պաշտոնական գրություն Հայաստանը չի ստացել.Գևորգ Պապոյան

ՀՀ  Էկոնոմիկայի նախարար Գևորգ Պապոյանն լրագրողների  հետ ճեպազրույցում ասել է, ր Հայաստանից ծաղիկների ժամանակավորապես արտահանման արգելքի մասին ՌԴ-ից պաշտոնական գրություն Հայաստանը չի ստացել: Բացի այդ, Պապոյանը տեղեկացրել է, որ  «Ռոսսելխոզնադզոր»-ից մասնագետներ են եկել Հայաստան և ուսումնասիրություններ են անցկացնում այն ընկերություններում, որոնց մուտքը ՌԴ արգելված է, և եթե դրական եզրակացություն լինի, ապա նրանց համար կբացվի արտահանման հնարավորությունը։

«Իհարկե, չեմ բացառում, որ հայաստանյան որոշ ուժեր կան, որոնք փորձում են այնպիսի իրավիճակ ստեղծել, որ հայ արտադրողները ՌԴ-ում խնդիրների առաջ կանգնեն»,-ասաց Պապոյանը՝ մատնանշելով «Wildberries»-ի և «Ozon»-ի դեպքերը, որոնց խնդիրները, Պապոյանի հավաստիացմամբ, լուծվել են:

Նախարարաը վստահեցրեց, որ ռուսական կողմի հետ դժվարություններ չեն լինի նաև ցորենի ներմուծման կամ գազի հետ կապված։