Հայկական ծաղիկների առաջին խմբաքանակը հասել է Ուկրաինա

Հայկական ծաղիկների մեկ խմբաքանակ արդեն Ուկրաինա է հասել։ 1 բեռնատարով Ուկրաինա է արտահանվել 9500 ծաղիկ, առաջիկայում էլ Ուկրաինա կհասնի հայկական ծաղիկներով բեռնված երկրորդ բեռնատարը։ Մոտավորապես նույնքան ծաղիկ էլ երկրորդ բեռնատարում է։ Այս մասին տեղեկանում ենք «Արմենպրեսս»-ից։

Հայկական ծաղիկների ներմուծողը Ուկրաինայում բնակվող հայ գործարար է։  Ի դեպ,  հայկական ծաղիկների՝ Ուկրաինա հասած առաջին խմբաքանակը գրեթե իրացվել է, իսկ երկրորդ բեռնատարն առաջիկա օրերին արդեն կլինի Ուկրաինայում։  

Ուկրաինայում սոցցանցերում արդեն իսկ տեսանյութեր են տարածվում, որոնցում ծաղկի խանութների սեփականատերերը ցուցադրում են իրենց ստացած հայկական ծաղիկները և հայտնում դրանց վաճառքը սկսելու մասին։