Հայկական ծիրանը կուղարկվի Լեհաստան

Երևանում կայացել է հայ-լեհական գործարար համաժողովը, որի շրջանակում քննարկվել են  հայկական արտադրանքը մասնավորապես Լեհաստան արտահանելու հնարավորությունները։ Այս մասին տեղեկանում ենք Արմենպրեսս-ից:

Լեհական «HAYWAY GROUP» ընկերության հիմնադիր և գլխավոր տնօրեն Արթուր Լևանդովսկին հայտնել է, որ հայ և լեհ գործարարների միջև տեղի են ունեցել գործնական շփումներ, որոնք նպաստելու են երկկողմ տնտեսական կապերի ամրապնդմանը։

Լևանդովսկիի տեղեկացմամբ այս պահին ընթանում են բանակցություններ, և գործնական քայլերից մեկն էլ լինելու այն, որ հունիսի վերջին հայկական ծիրանով բեռնված 20 բեռնատար մեքենաներ կմեկնեն Լեհաստան։ Աշխատանքներ են ընթանում, որպեսզի ձեռք բերվեն համապատասխան սերտիֆիկատներ և ապրանքները հնարավորինս շուտ արտահանվեն Լեհաստան։