Հայրենիք կինոթատրոնի տանիքի թիթեղների ճեղքերից ջուրը լցվում է պատերի արանքը եվ քայքայում շենքը․ ակտիվիստ

Ակտիվիստ Էդուարդ Հայրումյանը ֆեյսբուքյան էջում հայտնում է, որ Հայրենիք կինոթատրոնի տանիքի թիթեղների ճեղքերից ջուրը լցվում է պատերի արանքը և քայքայում շենքը։

«Ցավոք սրտի «Հայրենիք կինոթատրոնի» շենքը ժամանակին սեփականաշնորհվել է ու շենքը նաև չի ընդգրկվել մշակութային հուշարձանների ցանկում։ Առաջարկում եմ ՀՀ կրթության, գիտության, մշակույթի և սպորտի նախարարությունում դիտարկեն շենքը մշակութային հուշարձանների ցանկում ընդգրկելու հարցը, որպեսզի հետագայում հնարավոր լինի շենքի արտաքին տեսքի աղավաղումը, փլուզումը կամ քանդումը կանխելը։ Իսկ Երևանի քաղաքապետարանին առաջարկում եմ ծանուցել սեփականատիրոջը, որպեսզի վերականգնի տանիքը՝ կանխելով շենքի հետագա փլուզման վտանգը և ապահովելով շենքի կողքով ամեն օր անցնող հազարավոր հետիոտների անվտանգությունը»։