Հասարակություն
4 հունիսի 2026 • 08:16
ՀՀ–ում մարզասրահները հստակ չափորոշիչներ կունենան, մարզիչները` հավաստագիր
ՀՀ ԿԳՄՍ նախարար Ժաննա Անդրեասյանը նշեց, որ չափորոշիչները հատկապես վերաբերում են ֆիտնես կենտրոններում տեղադրված մարզասարքերին, որպեսզի դրանք ինքնաշեն չլինեն, ունենան համապատասխան սերտիֆիկատ և որպեսզի դրա օգտագործումը լինի անվտանգ։
ՀՀ-ում ֆիտնես կենտրոններին ու մարզասրահներին կներկայացվեն գործունեության չափորոշիչներ` մարդու առողջության համար անվտանգ և ապահով միջավայր ապահովելու համար։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
ՀՀ ԿԳՄՍ նախարար Ժաննա Անդրեասյանը նշեց, որ չափորոշիչները հատկապես վերաբերում են ֆիտնես կենտրոններում տեղադրված մարզասարքերին, որպեսզի դրանք ինքնաշեն չլինեն, ունենան համապատասխան սերտիֆիկատ և որպեսզի դրա օգտագործումը լինի անվտանգ։
«Հստակ կարգավորումներ են սահմանվել օդափոխման, սանհանգույցի, ջրամատակարարման, բնական կամ արհեստական լուսավորության, անհրաժեշտության դեպքում նաև` բժշկական օգնության հասանելիության մասով»,– ասել է նախարարը։
Անդրեասյանի խոսքով` ֆիտնես կենտրոնների գործունեությունը դարձել է ծանուցման ենթակա, և այս տարվա փետրվարից մինչ այս պահը ծանուցում է ներկայացրել շուրջ 40 կազմակերպություն։
«Այդ կազմակերպություններն աշխատում են ինչպես Երևանում, այնպես էլ մարզերում։ Ի դեպ, սահմանել ենք ֆիտնես կենտրոններում աշխատող մարզիչների հավաստագրման կարգը. մեր քաղաքացիներին խորհրդատվություն տրամադրող և մարզող մասնագետներն ունենան պատշաճ պատրաստվածություն։ Հավաստագրման կարգն այս տարվա մայիսի 7–ից արդեն իսկ ուժի մեջ է մտել»,– նշել է նախարարը։
Անդրեասյանը տեղեկացրեց, որ ֆիտնես կենտրոններին ներկայացվող չափորոշիչներն ուժի մեջ կմտնեն մեկ տարի անց` այս ժամանակահատվածում հնարավորություն տալով մարզասրահներին վերանայել իրենց գործունեությունը։
ԿԳՄՍՆ–ն շուրջ 1 600 քաղաքացիների շրջանում հարցումներ է իրականացրել ու պարզել՝ Հայաստանում մարզասրահներ այցելում է 10 քաղաքացուց մեկը։
Կարդացեք նաև
Հասարակություն4 հունիսի 2026
Զգուշացում՝ իրավաբանական անձանց փորձում են մոլորեցնել կեղծ զանգերով․ ՀՀ արդարադատության նախարարություն
Իրավաբանական անձանց փորձում են մոլորեցնել՝ պնդելով, թե պաշտոնական ծանուցումների կայքը չի գործում։
Հասարակություն4 հունիսի 2026
Այս տարվա առաջին երեք ամիսներին ՌԴ աշխատելու է մեկնել ավելի քան 40 հազար ՀՀ քաղաքացի
Գործակալության տվյալներով՝ անցյալ տարվա առաջին երեք ամիսներին այս ցուցանիշը մոտ 45,5 հազար էր։
Հասարակություն3 հունիսի 2026
Երևանում մանկապարտեզից կորած 4-ամյա երեխան կարճ ժամանակում հայտնաբերվել և վերադարձվել է ծնողներին
Երևանում մանկապարտեզից կորած 4-ամյա երեխան համայնքային ոստիկանների օպերատիվ որոնողական աշխատանքների շնորհիվ կարճ ժամանակ անց հայտնաբերվել է բնակության վայրի հարակից տարածքում և անվտանգ վերադարձվել ծնողներին։ Երեխայի կյանքին և առողջությանը վտանգ չի սպառնում