ՀՀ–ում շաքարավազի գինը կարող է նվազել 20%-ով. Քնարյանը պայմանագիր է կնքել լեհական ընկերության հետ

ՀՀ շաքարավազ ներմուծող խոշոր գործարար Հարություն Քնարյանը մեզ հետ զրույցում հայտնել է, որ պայմանագիր է կնքել Լեհաստանում շաքարավազ արտադրող ամենախոշոր ընկերության հետ՝ Հայաստան շաքարավազ ներմուծելու նպատակով։

Գործարարի փոխանցմամբ՝ այս գործարքի արդյունքում հայկական շուկայում սպասվում է շաքարավազի գնի զգալի՝ մոտ 20 տոկոս անկում՝ ներկայիս արժեքի համեմատ։

Հարություն Քնարյանը նշեց նաև, որ առաջիկա օրերին նախատեսում է հանդիպել ՀՀ-ում գործող բեռնափոխադրող ընկերությունների ներկայացուցիչների հետ՝ Լեհաստանից դեպի Հայաստան լոգիստիկայի և բեռնափոխադրման հարցերը քննարկելու համար։

Մեր կողմից հավելենք, որ Ռուսաստանի կողմից Հայաստանի նկատմամբ կիրառվող սահմանափակումների ֆոնին հայ գործարար շրջանակներն իրենց վեկտորն աստիճանաբար ուղղում են դեպի եվրոպական շուկա՝ այդպիսով փորձելով նվազեցնել կախվածությունը ԵԱՏՄ-ից և ռուսական շուկայից։