Զինյալների տեղափոխում Ադրբեջան․ Իրանի դեսպանի աղմկահարույց հայտարարությունը

 Հորդանանում  Իրանի նախկին դեսպան՝ Մոսթաֆա Մոսլեհ-Զադեն հայտարարել է ԱՄՆ-ի, տարածաշրջանի և պատերազմի հնարավոր սցենարների մասին, այս մասին հայտնում են  ռուսալեզու պարսկական թելեգրամյան ալիքները։

«ԱՄՆ-ը Սիրիայից հազարավոր զինյալների տեղափոխել է Ադրբեջան, Իրաքյան Քուրդիստան և Պակիստան և զինել է նրանց, որպեսզի պատերազմի սկսվելուց անմիջապես հետո նրանք կարողանան ներխուժել Իրան և տապալել Իսլամական Հանրապետության համակարգը։

Թրամփի բոլոր սպառնալիքները՝ Իրանի էլեկտրակայանների և ենթակառուցվածքների ոչնչացման մասին, ի սկզբանե սուտ և մոլորություն  էին, քանի որ նա հասկանում էր, որ Իրանի ենթակառուցվածքների ոչնչացումը կհանգեցնի ամբողջ տարածաշրջանի ենթակառուցվածքների կործանմանը։

Պարսից ծոցի երկրների համբերության սահմանը սպառվել էր, իսկ նրանց խոցելի տնտեսություններն այլևս չէին դիմանում Իրանի հրթիռային հարվածների հետևանքներին։ Հենց այդ պատճառով Դոնալդ Թրամփը պահանջեց հրադադար։»,– ասվում է հաղորդագրությունում։