Հորմուզը փակ կմնա. Իրանի խորհրդարանի խոսնակ Մոհամմադ Ղալիբաֆ

Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ Հորմուզի նեղուցով երթևեկությունը կարող է սահմանափակվել, եթե Միացյալ Նահանգները չվերացնի Իրանի դեմ կիրառվող ծովային շրջափակումը հայտնում է AP-ը:

«Անհնար է, որ մյուսները անցնեն Հորմուզի նեղուցով, մինչ մենք չենք կարող», — ընդգծել է Ղալիբաֆը՝ հավելելով, որ նեղուցի վերաբացումը ուղղակիորեն կախված է Վաշինգտոնի քայլերից

Նա նաև զգուշացրել է, որ եթե ԱՄՆ-ը չվերացնի սահմանափակումներն, ապա նեղուցով նավարկությունը «անպայման կսահմանափակվի»։

Հորմուզի նեղուցը համարվում է աշխարհի կարևորագույն ռազմավարական ծովային ուղիներից մեկը, որով անցնում է համաշխարհային նավթի զգալի մասը, ուստի դրա շուրջ ցանկացած լարվածություն կարող է ազդել գլոբալ էներգետիկ շուկաների վրա։