Հորմուզի նեղուցով վերսկսվել է նավթատարների երթևեկությունը․ Լիբանանում շարունակվում են իսրայելական հարվածները

Սաուդյան Արաբիայի դրոշի ներքո գործող երեք գերխոշոր նավթատարներ, որոնք տեղափոխում էին շուրջ 6 միլիոն բարել  նավթ, անցել են Հորմուզի նեղուցով՝ ԱՄՆ-ի և Իրանի միջև պատերազմի դադարեցման մասին համաձայնագրի ստորագրումից ժամեր անց, այս մասին հայտնում է Reuters–ը:

ԱՄՆ նախագահ Դոնալդ Թրամփը և Իրանի նախագահ Մասուդ Փեզեշքիանը ստորագրել են փոխըմբռնման հուշագիր, որը նախատեսում է Հորմուզի նեղուցի բացում և Իրանի նավահանգիստների նկատմամբ ամերիկյան սահմանափակումների վերացում։ Համաձայնագիրն ուժի մեջ է մտել նախատեսված ժամկետից երկու օր շուտ։

Միևնույն ժամանակ, Լիբանանում շարունակվել են իսրայելական ավիահարվածները, ինչը կասկածներ է առաջացրել տարածաշրջանում ռազմական գործողությունների ամբողջական դադարեցման հեռանկարների վերաբերյալ։

Մասնագետների գնահատմամբ՝ նավագնացության լիարժեք վերականգնման համար դեռ ժամանակ է պահանջվելու, սակայն նեղուցով երթևեկության ակտիվացման առաջին նշաններն արդեն նկատվում են։