Հուլիսի 1-ից ռումինական DAN AIR ավիաընկերությունը ուղիղ չվերթներ կգործարկի Բուխարեստից Երևան

Հուլիսի 1-ից ռումինական DAN AIR ավիաընկերությունը ուղիղ չվերթներ  կգործարկի Բուխարեստից Երևան:

Ուղիղ չվերթներ կսկսեն նաև դեպի Թիֆլիս և Հալեպ: Ընկերության երթուղային ցանցի ընդլայնումը կապված է Եվրոպայի և Կովկասի միջև ուղիղ օդային հաղորդակցության աճող պահանջարկի, ինչպես նաև սփյուռքի համար տրանսպորտային հասանելիության բարելավման անհրաժեշտության հետ:

Ռումինական DAN AIR ավիաընկերությունը հիմնադրվել է 2017 թվականին: 2025 թվականին նրա ծառայություններից օգտվել է ավելի քան 272 հազար ուղևոր:Այն տեղակայված է Բուխարեստի Անրի Կոանդայի անվան միջազգային օդանավակայանում: