Հուլիսի 9–ից անցնում ենք բուն ամառային ռեժիմի. Գագիկ Սուրենյան

Հայաստանում հուլիսի 9-ից եղանակային պայմանների կտրուկ փոփոխություն է սպասվում։ Անմիջապես հարավից հանրապետություն կներթափանցեն արևադարձային տաք օդային հոսանքներ։ Այս մասին հայտնել է «Հայհիդրոմետ» ՊՈԱԿ-ի տնօրենի տեղակալ Գագիկ Սուրենյանը։

Տաք հոսանքների ներթափանցման արդյունքում ցերեկային ժամերին հանրապետության ողջ տարածքում, հուլիսի 8-ի համեմատ, ջերմաստիճանը կբարձրանա 6-8 աստիճանով։

«Հուլիսի 9-ից անցնում ենք բուն ամառային ռեժիմի։ Ամենատաք գոտին կլինի Արարատյան դաշտը և Երևանը, որտեղ հուլիսի 10-ին և 11-ին կգրանցվի 36-37 աստիճան տաքություն»,- նշել է Գագիկ Սուրենյանը։

Հուլիսի 9-ից 14-ն ընկած ժամանակահատվածում հանրապետության մեծ մասում կդադարեն տեղումները և կհաստատվի առանց տեղումների եղանակ։ Բացառություն կկազմեն միայն հետևյալ հատվածները.

• Երեկոյան ժամերին առանձին հատվածներում հնարավոր են կարճատև անձրևներ։

•  Կդիտվի բացառապես առանց տեղումների եղանակ։

Մինչ տաք հոսանքների ժամանելը, այսօր Հայաստանը կշարունակի գտնվել Սև ծովից ներթափանցած ցիկլոնի ազդեցության գոտում։

Օրվա ընթացքում ժամանակ առ ժամանակ, որոշակի դադարներով, անձրևները կշարունակվեն, իսկ առանձին հատվածներում հնարավոր է նաև կարկուտ։ Հյուսիս-արևմուտքից ցուրտ օդային հոսանքների ներհոսքի պատճառով այսօր օդի ջերմաստիճանը դեռևս կպահպանվի կլիմայական նորմայից ցածր։