Հունգարիան կձերբակալի Նեթանյահուին, եթե նա այցելի մեզ․ Մադյար

Հունգարիայի վարչապետի թեկնածու Պետեր Մադյարը հայտարարել է, որ իր երկիրը պետք է կալանքի տակ վերցնի Իսրայելի վարչապետ Նեթանյահուին, եթե նա մուտք գործի Հունգարիայի տարածք, այս մասին տեղեկանում ենք եվրոպական լրատվամիջոցներից։

"Միջազգային քրեական դատարանը Նեթանյահուի նկատմամբ ձերբակալման օրդեր էր ներկայացրել 2024 թվականի նոյեմբերին՝ ենթադրյալ պատերազմական հանցագործությունների և մարդկության դեմ հանցագործությունների մեղադրանքով։ Դատարանի անդամ երկրները սկզբունքորեն պարտավոր են ձերբակալել նման օրդերի տակ գտնվող անձանց։", – ասվում է հաղորդագրությունում։

Ավելի վաղ Հունգարիան հրաժարվել էր ձերբակալել իսրայելցի առաջնորդին, երբ նա 2025 թվականի ապրիլին այցելել էր Բուդապեշտ՝ այն ժամանակ վարչապետի պաշտոնը զբաղեցնում էր Վիկտոր Օրբանը։

 Մինչ հանդիպումը Վիկտոր Օրբան-ը հայտարարել էր, որ Հունգարիան դուրս է գալիս Միջազգային քրեական դատարանից, գործընթաց, որը դատարանի կանոնադրության համաձայն ուժի մեջ է մտնում մեկ տարվա ընթացքում, և երաշխավորել էր  Բենիամին Նեթանյահուի անձեռնմխելիությունը։