Հասարակություն
8 սեպտեմբերի 2026 • 06:16
Հրապարակվել է ՄԻՊ գործունեության 2026 թվականի առաջին կիսամյակի տեղեկատվական զեկույցը
Զեկույցն ամբողջությամբ հասանելի է Մարդու իրավունքների պաշտպանի պաշտոնական կայքում։
Հրապարակվել է ՀՀ մարդու իրավունքների պաշտպանի գործունեության 2026 թվականի առաջին կիսամյակի տեղեկատվական զեկույցը, որն ամփոփում է հաշվետու ժամանակահատվածում իրականացված աշխատանքների արդյունքները, քաղաքացիների բարձրացրած խնդիրներն ու դրանց լուծման ուղղությամբ ձեռնարկված միջոցները։
Ըստ զեկույցի՝ նախորդ տարվա նույն ժամանակահատվածի համեմատ էական աճ է գրանցվել ՄԻՊ գործունեության հիմնական ցուցանիշներում․
-
Դրական լուծում ստացած բողոքներ․ 2026 թ․ առաջին կիսամյակում դրական լուծում է ստացել 1047 դիմում-բողոք (2025 թ․ նույն ժամանակահատվածի 665-ի համեմատ)։
-
Դիմումների ընդհանուր քանակ․ Պաշտպանին հասցեագրվել է 13 467 գրավոր և բանավոր դիմում-բողոք (2025 թ․՝ 10 279)։
-
Թեժ գիծ․ Ստացվել և սպասարկվել է 9754 հեռախոսազանգ՝ 3389-ով ավելի, քան նախորդ տարի։
-
Այցեր և նախագծեր․ Իրականացվել է 127 մշտադիտարկման և փաստահավաք այց, իսկ ներկայացված 181 իրավական ակտի նախագծերից 121-ի վերաբերյալ ներկայացվել է 273 նկատառում։
Ստացված դիմում-բողոքների զգալի մասը վերաբերել է առողջության պահպանմանը (594), ոստիկանության գործունեությանը (606), զինծառայողների և նրանց ընտանիքների իրավունքներին (557), սոցիալական ապահովությանը (445), քրեակատարողական հիմնարկներին (417) և հաշմանդամություն ունեցող անձանց իրավունքներին (313)։
ՄԻՊ աշխատակազմից հայտնում են, որ դիմումների ուսումնասիրությունը հնարավորություն է տվել բացահայտելու ոչ միայն անհատական, այլև համակարգային խնդիրներ։ Զեկույցն ամբողջությամբ հասանելի է Մարդու իրավունքների պաշտպանի պաշտոնական կայքում։
Կարդացեք նաև
Հասարակություն9 սեպտեմբերի 2026
Սեպտեմբերի 10-ից ժամանակավորապես կփակվի «Լամբադա» կամրջի վերին հատվածը
Քաղաքապետարանը վարորդներին հորդորում է նախօրոք պլանավորել երթևեկության այլընտրանքային երթուղիները։
Հասարակություն9 սեպտեմբերի 2026
Ձերբակալվել է 8 անձ, այդ թվում՝ Մեղրի համայնքի ղեկավարը և Էկոպարեկային ծառայության Սյունիքի մարզային ստորաբաժանման ղեկավարը
ՀՀ հակակոռուպցիոն կոմիտեից այլ մանրամասներ չեն հայտնել՝ նախաքննության շահերից ելնելով։
Հասարակություն9 սեպտեմբերի 2026
ՀՀ ԿԳՄՍ նախարարն ընդունել է Լեհաստանի Թագավորական ամրոցի պատվիրակությանը. քննարկվել է գորգերի համատեղ ցուցադրության հարցը
Ողջունելով հյուրերին՝ Ժաննա Անդրեասյանը շնորհակալություն է հայտնել մշակույթի ոլորտում համագործակցության հետաքրքրություն ցուցաբերելու համար։