Հրդեհ Բաղրամյան գյուղում․ կանխվել է հրդեհի տարածումը

Այսօր՝ հունիսի 13-ին՝ ժամը 13։13-ին, Արմավիրի մարզային օպերատիվ կառավարման կենտրոն ահազանգ է ստացվել՝ Բաղրամյան գյուղի Կոմիտասի փողոցի տներից մեկին կից անասնագումի տանիքում այրվում է անասնակեր:

 

ՆԳՆ-ից հայտնում են, որ դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից չորս մարտական հաշվարկ։

 

Ըստ ՆԳՆ-ի՝ հրդեհը մեկուսացվել է ժամը 14:02-ին, մարվել՝ 15:38-ին: Մասամբ այրվել է մոտ 600 հակ անասնակեր:

 

Հրշեջ-փրկարարներին հաջողվել է կանխել հրդեհի տարածումը։