Հրդեհ՝ Նոր Արեշի տներից մեկում

Մայիսի 11-ին, ժամը 04։37-ին ՆԳՆ 112 օպերատիվ կառավարման կենտրոն ահազանգ է ստացվել, որ հրդեհ է բռնկվել Երևան քաղաքի Նոր Արեշ 14-րդ փողոցի տներից մեկում, հայտնում է ՆԳՆ ՓԾ-ն:

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից հինգ մարտական հաշվարկ, Հրդեհաշիջման և փրկարարական աշխատանքների կազմակերպման բաժնի ու Հոգեբանական աջակցության և բժշկական ապահովման վարչության հերթապահ խմբերը։

Պարզվել է՝ հրդեհը բռնկվել է կից հինգ տան տանիքներում (ընդհանուր՝ մոտ 500քմ)։

Հրդեհը մեկուսացվել է ժամը 05։40-ին, մարվել՝ 05։55-ին։ Այրվել են տանիքներից մոտ 140 քմ հատված, մեկ տան երկրորդ հարկը և տանիքը՝ մոտ 40 քմ, մեկ տան երկրորդ հարկում՝ խոհանոցը և ջերմահարվել կից տան տանիքից մոտ 10 քմ հատված։ 

Հրշեջ-փրկարարնեիրն հաջողվել է կանխել հրդեհի տարածումը դեպի հարակից տներ․ տուժածներ չկան։