ՀՌՀ-ն վարչական տույժեր է կիրառել «5-րդ ալիք»-ի և «Հ2»-ի նկատմամբ

ՀՌՀ-ն վարչական տույժեր է կիրառել «5-րդ ալիք»-ի և Հ2-ի նկատմամբ։ «5-րդ ալիք»-ը տուգանվել է 400 հազար դրամով և ստացել նախազգուշացում, իսկ Հ2-ի նկատմամբ կիրառվել է գրավոր նախազգուշացում՝ նախընտրական քարոզչության լուսաբանման ընթացքում արձանագրված խախտումների համար։

Հեռուստատեսության և ռադիոյի հանձնաժողովը (ՀՌՀ) հունիսի 12-ի նիստում վարչական տույժեր է կիրառել «5-րդ ալիք» և «Հայկական երկրորդ հեռուստաալիք» (Հ2) հեռուստաընկերությունների նկատմամբ, այս մասին հայտնում է Հեռուստատեսության և ռադիոյի հանձնաժողովը։

ՀՌՀ-ի տվյալներով՝ «5-րդ ալիք»-ի եթերում հեռարձակված քաղաքական գովազդում արձանագրվել են ազգային և համաշխարհային մշակութային ժառանգության նսեմացման տարրեր, ինչպես նաև բացակայել են քաղաքական ուժերին կամ թեկնածուներին նույնականացնող նշաններ։ Արդյունքում հեռուստաընկերությունը տուգանվել է 400 հազար դրամով և ստացել գրավոր նախազգուշացում։

Իսկ Հ2-ի «Լրաբեր» հաղորդման մշտադիտարկման արդյունքում հանձնաժողովը արձանագրել է նախընտրական քարոզչության վերաբերյալ անկողմնակալ և գնահատականներից զերծ տեղեկատվություն ներկայացնելու պահանջի խախտում։ Հեռուստաընկերության նկատմամբ կիրառվել է գրավոր նախազգուշացում։

ՀՌՀ-ի որոշումները կարող են բողոքարկվել երկամսյա ժամկետում։

ՀՌՀ-ն վարչական տույժեր է կիրառել «5-րդ ալիք»-ի և «Հ2»-ի նկատմամբ

Կիսվել

Կարդացեք նաև

ՀՀ ֆինանսների փոխնախարարը մասնակցել է կենսաբազմազանության ֆինանսավորման տարածաշրջանային երկխոսությանը

«Արմավիր» ՔԿՀ-ում անօդաչու թռչող սարքի (դրոն) միջոցով փորձել են ազատազրկված անձանց արգելված իրեր փոխանցել

Վթարի է ենթարկվել երեխաներին էքսկուրսիա տանող ավտոբուսը