Հյուսիսային Կորեայում հանդիսավոր կերպով նշել են երկրի հիմնադիր Կիմ Իր Սենի 114-ամյակը
ԿԺԴՀ-ում նշվել է պետության հիմնադիր Կիմ Իր Սենի ծննդյան 114-ամյակը՝ «Արևի օրը»։
Կորեայի Ժողովրդադեմոկրատական Հանրապետությունը (ԿԺԴՀ) հանդիսավոր կերպով նշել է պետության հիմնադիր Կիմ Իր Սենի ծննդյան 114-ամյակը, որը հայտնի է որպես Արևի օր, այս մասին հայտնում է ռուսական "Վեստի"-ն , հղում անելով Կորեայի կենտրոնական հեռագրական գործակալությունը (ԿԿՀԳ)։
Տոնակատարության գլխավոր վայրը եղել է Կումսուսանի Արևի պալատը, որտեղ հանգչում են Կիմ Իր Սենն ու Կիմ Չեն Իրը։ Գործակալության տվյալներով՝ հիշատակի համալիր է շարժվել քաղաքացիների անընդմեջ հոսք։
Ամբողջ երկրում տեղի են ունեցել նաև ծաղկեպսակների տեղադրման արարողություններ առաջնորդների հուշարձանների մոտ՝ կուսակցական աշխատողների, զինվորականների, երիտասարդության և աշխատավորների մասնակցությամբ։ Բնակիչները այցելել են նաև Կիմ Իր Սենի ծննդատունը Մանգյոնդեում։
Մայրաքաղաքում և մարզերում ստեղծվել է տոնական մթնոլորտ․ փողոցները զարդարվել են պետական դրոշներով, անցկացվել են համերգներ, թատերական ներկայացումներ և պարային միջոցառումներ։ Որոշ շրջաններում կազմակերպվել են մասսայական տոնախմբություններ, իսկ Կանգգե քաղաքում՝ ձիասպորտի ցուցադրական ելույթներ։
Բացի այդ, կազմակերպվել են հրետանային ստորաբաժանումների հրաձգության մրցումներ, իսկ երկրի տարբեր շրջաններում դպրոցականները միացել են Կորեայի մանկական միությանը։ Տոնի առթիվ երկրի առաջնորդ Կիմ Չեն Ընը երեխաներին նվերներ է ուղարկել։
Կարդացեք նաև
Տարածաշրջան8 նոյեմբերի 2026
Իսրայելի դեսպանատունը գովեստի խոսքեր է հղել Ադրբեջանին՝ «քաջության ու վճռականության» համար
Ադրբեջանում Իսրայելի դեսպանատունը X-ի իր պաշտոնական էջում շնորհավորական ուղերձ է հրապարակել՝ նոյեմբերի 8-ի կապակցությամբ՝ ընդգծելով «Ադրբեջանի ժողովրդի քաջությունն ու ազգային միասնությունը»։
Տարածաշրջան8 նոյեմբերի 2026
Ադրբեջանի պաշտպանության նախարար վարակվել է կորոնավիրուսով
Ալիևը Էրդողանին հայտնել է Ադրբեջանի պաշտպանության նախարար Զաքիր Հասանովի՝ կորոնավիրուսով վարակվելու մասին։
Տարածաշրջան8 նոյեմբերի 2026
Ալիևը՝ Էրդողանի հետ հանդիպմանը․ «Մեր միասնությունն ու եղբայրությունն անխախտ են»
Ալիևը կրկին ընդգծել է Թուրքիայի և Ադրբեջանի ռազմավարական միասնությունն ու եղբայրական կապերի անխախտելիությունը։