iMessage-ով Ճանապարհային ոստիկանության անունից կեղծ նամակներ են ուղարկվում. Կիբեռոստիկանության զգուշացումը

iMessage-ով Ճանապարհային անունից կեղծ նամակներ են ուղարկվում. Կիբեռոստիկանության զգուշացումը

ՀՀ ՆԳՆ կիբեռոստիկանությունը հայտնում է հերթական ֆինանսական զեղծարարության մասին և քաղաքացիներին հորդորում լինել ուշադիր։

«Քաղաքացիները iMessage հավելվածի միջոցով շարունակում են ստանալ կեղծ հաղորդագրություններ Ճանապարհային ոստիկանության անունից։ Այս հաղորդագրությունների նպատակը մեկն է` հափշտակել ձեր ֆինանսական միջոցները»,- նշված է իրավապահ մարմնի տարածած հաղորդագրության մեջ։

Կիբեռոստիկանությունը հորդորում է նմանօրինակ նամակներ ստանալու դեպքում պարզապես անտեսել դրանք, ինչպես նաև արգելափակել (բլոկավորել) ուղարկողի հեռախոսահամարը կամ էլեկտրոնային հասցեն։