Ինչպես դիմել վարորդական իրավունքի վերականգնման համար. ՆԳՆ-ն իրազեկում է

ՀՀ ներքին գործերի նախարարությունը հանդես է եկել իրազեկմամբ՝ վարելու իրավունքից զրկված այն քաղաքացիների համար, ում զրկման ժամկետը լրացել է մինչև սույն թվականի հուլիսի 6-ը։

Ըստ գերատեսչության սահմանած կարգի՝ եթե վարելու իրավունքից զրկման ժամկետն արդեն ավարտվել է (օրինակ՝ քաղաքացին զրկվել է 2025 թվականի մարտին), ապա հուլիսի 6-ից սկսած՝ տվյալ անձն ունի 1 տարի ժամանակ՝ վարորդական վկայականը վերականգնելու համար։

Հաշվառման-քննական ստորաբաժանում ներկայանալու օրը քաղաքացին իր հետ պետք է ունենա հետևյալ փաստաթղթերն ու անդորրագրերը.

• Անձը հաստատող փաստաթուղթ:

• 50,000 ՀՀ դրամ պետական տուրքի վճարման անդորրագիր (գանձապետական հաշիվ՝ 900005003810128):

• Լրացուցիչ պետական տուրք (այն դեպքում, երբ հին վկայականը վերադարձման ենթակա չէ և անհրաժեշտ է ստանալ նորը).

  • 12,000 ՀՀ դրամ՝ ֆիզիկական (պլաստիկ) վկայական ստանալու համար,

  • 6,000 ՀՀ դրամ՝ թվային վկայականի դեպքում։

Ծառայությունից օգտվելու համար քաղաքացիները պետք է նախապես հերթագրվեն էլեկտրոնային համակարգով՝ հաշվառման-քննական ստորաբաժանում ներկայանալու համար։ Համակարգում անհրաժեշտ է ընտրել հետևյալ տողը. «Զրկված վարորդական վկայականի վերականգնում առանց քննությունների»: