Քարվաճառի (Քելբաջարի) շրջանում ականի պայթյունի երկու դեպք է գրանցվել

44-օրյա պատերազմի հետևանքով Ադրբեջանի վերահսկողության տակ անցած Քարվաճառի (Քելբաջարի) շրջանում ականի պայթյունի երկու դեպք է արձանագրվել։

 

Ադրբեջանական լրատվամիջոցների հաղորդմամբ՝ միջադեպերը տեղի են ունեցել Քարվաճառի (Քելբաջարի) և Քաշաթաղի (Լաչինի) շրջանների սահմանային հատվածում գտնվող արոտավայրում։

 

Նախնական տվյալներով՝ պայթյունների հետևանքով տուժել է երեք գլուխ մանր եղջերավոր անասուն։ Մարդիկ չեն տուժել։

 

Նշվում է, որ տվյալ տարածքում նախկինում ևս գրանցվել են ականի պայթյունի դեպքեր։