Հասարակություն
12 օգոստոսի 2026 • 14:54
Կանխվել է շուրջ 1.2 միլիարդ դրամի թմրամիջոցների մաքսանենգություն. կան ձերբակալված օտարերկրացիներ
Նախաքննությունը շարունակվում է՝ թմրամիջոցների ապօրինի շրջանառության շղթայում ներգրավված այլ անձանց ինքնությունը պարզելու ուղղությամբ։
ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով բացահայտվել է առանձնապես խոշոր չափերով թմրամիջոցների ապօրինի շրջանառության և մաքսանենգության փորձի դեպք:
-
Հայտնաբերվել և առգրավվել է ընդհանուր 25.5 կգ «Ափիոն» և 3 կգ «Մարիխուանա» տեսակի թմրամիջոց, որոնք ՀՀ են տեղափոխվել մաքսանենգ ճանապարհով։ Առգրավված թմրանյութերի ընդհանուր շուկայական արժեքը կազմում է շուրջ 1 մլրդ 193 մլն 445 հազար ՀՀ դրամ։
-
Օտարերկրյա քաղաքացիներից մեկը (Մ.Ք.) փորձել է էլեկտրական ռելեների մեջ թաքցված 13.8 կգ «Ափիոն» ուղարկել Գերմանիա (2 փաթեթ) և Մեծ Բրիտանիա (1 փաթեթ), սակայն հայտնաբերվել և ձերբակալվել է ՀՀ ՊԵԿ աշխատակիցների կողմից։
-
Ձերբակալվածի բնակության վայրից և չհրկիզվող պահարանից հայտնաբերվել են թմրամիջոցների մնացած փաթեթները: Նույն պահին ձերբակալվել են հանցավոր խմբի մյուս անդամները՝ օտարերկրացիներ Ռ.Շ.-ն և Մ.Ա.-ն։
Ռ.Շ.-ի, Մ.Ք.-ի և Մ.Ա.-ի նկատմամբ հարուցվել է հանրային քրեական հետապնդում՝ առանձնապես խոշոր չափերով թմրամիջոցների ապօրինի իրացման, մաքսանենգության փորձի և օժանդակման հատկանիշներով (ՀՀ քրեական օրենսգրքի 393-րդ, 399-րդ, 44-399-րդ և 46-399-րդ հոդվածներ)։ Նրանց նկատմամբ որպես խափանման միջոց է ընտրվել կալանավորումը։
Նախաքննությունը շարունակվում է՝ թմրամիջոցների ապօրինի շրջանառության շղթայում ներգրավված այլ անձանց ինքնությունը պարզելու ուղղությամբ։
Կարդացեք նաև
Հասարակություն12 օգոստոսի 2026
Երևանում կասեցվել է հանրային սննդի օբյեկտի՝ «հավի շաուրմա»-ի արտադրությունը
ՍԱՏՄ ղեկավարի որոշմամբ՝ «հավի շաուրմայի» արտադրության գործառույթը կասեցվել է մինչև խախտումների ամբողջական վերացումը։
Հասարակություն12 օգոստոսի 2026
Օգոստոսի 12-ին եվրոպական մի շարք քաղաքաներում տեսանելի կլինի արևի ամբողջական խավարումը
Այս առիթով հյուրանոցների գները կտրուկ աճել են զբոսաշրջիկների հոսքի պատճառով։
Հասարակություն12 օգոստոսի 2026
Կապանում ամփոփվել են «Հրաշալի գաղափարներ» մրցույթի արդյունքները
Երիտասարդության միջազգային օրվան նվիրված միջոցառումներ են անցկացվել նաև Երևանի բոլոր վարչական շրջաններում և շուրջ 50 համայնքներում։