Կառավարությունը երկարաձգել եվ ընդլայնել է գյուղմթերքի ու խմիչքների արտահանման աջակցության ծրագրերը

ՀՀ կառավարությունն ընդունել է որոշումներ, որոնցով արտահանման աջակցության փոխհատուցումները կտրամադրվեն նաև 2026 թվականի հուլիս ամսվա համար: Որոշումների նպատակը շուկաների դիվերսիֆիկացումն է, տնտեսավարողների մրցունակության բարձրացումը եվ ընթացիկ բանակցություններին աջակցելը։

Հուլիսի համար փոխհատուցվող ապրանքների ցանկը լրացվել է չերի տեսակի լոլիկով, ինչպես նաև բարձրացվել է դեպի ԵՄ, Մեծ Բրիտանիա եվ Շվեյցարիա արտահանվող ծաղիկների փոխհատուցման չափը:

ըստ այդմ՝ սահմանվել են հետևյալ դրույքաչափերը (1 կգ-ի կամ 1 հատի համար).

• Ելակ՝ 770 դրամ

• Չերի լոլիկ / Պղպեղ՝ 400 դրամ

• Լոլիկ՝ 275 դրամ

• Ծաղիկ՝ 37 դրամ (դեպի ԵՄ, Մեծ Բրիտանիա, Շվեյցարիա՝ 50 դրամ)

Հունիսին արտահանվել էր շուրջ 784 տ պղպեղ, 208 տ լոլիկ, 109 տ ելակ, 3.5 մլն հատ եվ 35 տ ծաղիկ:

Այս ուղղությամբ աջակցության ցանկը հուլիսին լրացվել է չորացրած մրգերով ու բանջարեղենով, ինչպես նաև իշխան եվ թառափ տեսակի ձկներով:

Սահմանված փոխհատուցման չափերը (1 կգ-ի կամ 1 լիտրի համար).

• Թառափ՝ 1350 դրամ

• Բրենդի (կոնյակ)՝ 830 դրամ (1 բացարձակ լիտրի համար)

• Իշխան՝ 820 դրամ

• Կեռաս՝ 400 դրամ

• Խաղողի գինի՝ 350 դրամ

• Սալոր, դեղձ, նեկտարին, չորացրած միրգ/բանջարեղեն՝ 250 դրամ

• Ծիրան, պտղահատապտղային գինի՝ 200 դրամ

• Հանքային ջուր՝ 150 դրամ

Հունիսին ՍԱՏՄ օպերատիվ տվյալներով արտահանվել էր շուրջ 2948 տ ծիրան, 1402 տ կեռաս եվ 1 տ սալոր: