Կայա Կալասը ողջունել է ԱՄՆ–Իրան հրադադարի համաձայնությունը՝ ընդգծելով միջնորդության կարևորությունը

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը ողջունել է ԱՄՆ-ի և Իրանի միջև ձեռք բերված հրադադարի համաձայնությունը՝ այն անվանելով «մեկ քայլ հետ» անդունդի եզրից, իր X-ի էջում գրել է Կալասը։
"Սա ստեղծում է անհրաժեշտ հնարավորություն՝ նվազեցնելու սպառնալիքները, դադարեցնելու հրթիռային հարվածները, վերսկսելու նավարկությունը և դիվանագիտական բանակցությունների համար ստեղծելու միջավայր՝ երկարաժամկետ համաձայնության հասնելու նպատակով։ Հորմուզի նեղուցը պետք է կրկին բաց լինի անցման համար։",– ասվում է նրա հաղորդարությունում։
Կալասը հայտնել է նաև, որ վերջինս զրույց է ունեցել Պակիստանի արտգործնախարար Իսհակ Դարի հետ և շնորհակալություն հայտնել  նրան նախնական համաձայնությունն ապահովելու համար։
«Միջնորդության դուռը պետք է բաց մնա, քանի որ պատերազմի հիմքում ընկած պատճառները մնում են չլուծված», – նշել է Կալասն իր հաղորդագրությունում։

Նա նաև նշել է, որ  ԵՄ-ն պատրաստ է աջակցել միջնորդական ջանքերին և կապի մեջ է տարածաշրջանի գործընկերների հետ  տեղեկացրել, որ այս թեման այսօր կքննարկի Սաուդյան Արաբիայում։