Կայծակը հարվածել է Փարիզի Էյֆելյան աշտարակին

Ամպրոպի ժամանակ կայծակը հարվածել է Ֆրանսիայի մայրաքաղաքի կենտրոնում գտնվող Էյֆելյան աշտարակին սրաձողին ամպրոպի ժամանակ, Ռիա Նովոստի-ի փոխանցմամբ հաղորդում է BFMTV-ն։
«Անհավանական պայծառ մի կայծ հարվածել է Փարիզի Էյֆելյան աշտարակին», - նշվում է հաղորդագրության մեջ։
Հեռուստաալիքի տվյալներով՝ փոթորկի ժամանակ Էյֆելյան աշտարակի գագաթին քամու պոռթկումները հասել են 104.8 կմ/ժ արագության։

 Փոթորիկն այնքան ուժեղ  է եղել , որ Փարիզի արվարձաններում գտնվող «Ստադ դը Ֆրանս» մարզադաշտում տեղի ունեցող Top 14 ռեգբիի մրցաշարի եզրափակիչ խաղը ընդհատվել է։

Ֆրանսիական Meteo Nord Parisien մեդիա նախագծի տվյալներով՝ Ֆրանսիայի որոշ հատվածներում հանգստյան օրերին տեղացել է 2-3 սանտիմետր տրամագծով կարկուտ, հաղորդում է BFMTV-ն։ Ֆրանսիայում զանգվածային ամպրոպները հաջորդել են երկարատև շոգի ալիքին, որը ազդել է ոչ միայն երկրի, այլև մի շարք այլ եվրոպական երկրների վրա։ Ավելի վաղ երկրի օդերևութաբանական ծառայությունը շոգի ալիքի պատճառով 96 դեպարտամենտներից 72-ում հայտարարել էր եղանակային ամենաբարձր տագնապի մակարդակ։ Սա նոր ռեկորդ է սահմանել։ Ջերմաստիճանը մոտեցել է 40 աստիճան Ցելսիուսի, իսկ որոշ վայրերում նույնիսկ գերազանցել է այն։