ԿԲ-ն անփոփոխ է թողել քաղաքականության տոկոսադրույքը՝ 6.50%

Հունիսի 16-ին տեղի է ունեցել Հայաստանի Հանրապետության կենտրոնական բանկի խորհրդի նիստ, որի ընթացքում որոշվել է անփոփոխ թողնել քաղաքականության տոկոսադրույքը՝ սահմանելով 6.50%, այս մասին հայտնում է ՀՀ կենտրոնական բանկը։

Նիստի արդյունքում հաստատվել են նաև տոկոսադրույքների այլ ցուցանիշներ․ ԿԲ-ի կողմից տրամադրվող լոմբարդային ռեպոյի տոկոսադրույքը սահմանվել է 8.00%, իսկ բանկերից ներգրավվող միջոցների տոկոսադրույքը՝ 5.00%։

Կենտրոնական բանկի նախագահ Մարտին Գալստյանի մասնակցությամբ մամուլի ասուլիսը նախատեսված է այսօր՝ ժամը 14։00-ին։ Այն ուղիղ եթերով կհեռարձակվի ԿԲ-ի YouTube ալիքով և Facebook էջով։

Նույն օրը՝ ժամը 18։00-ին, ԿԲ պաշտոնական կայքում կհրապարակվեն դրամավարկային քաղաքականության և դրա թափանցիկության վերաբերյալ զեկույցները։