Կիպրոսի Թուրքական Հանրապետության վարչապետը շնորհակալություն է հայտնել Ալիևին

Հյուսիսային Կիպրոսի ինքնահռչակ Թուրքական Հանրապետության* վարչապետը շնորհակալություն է հայտնել Ադրբեջանի նախագահ Իլհամ Ալիևին՝ Հյուսիսային Կիպրոսի նկատմամբ ցուցաբերվող մշտական աջակցության համար, հայտնում է ադրբեջանական ԱՊԱ գործակալությունը:

Նա նշել է, որ Ադրբեջանի աջակցությունը շատ կարևոր է Հյուսիսային Կիպրոսի համար և բարձր է գնահատվում։ Վարչապետը ընդգծել է, որ Ադրբեջանի նախագահի դիրքորոշումը նպաստում է Հյուսիսային Կիպրոսի միջազգային դիրքերի ամրապնդմանը։ Նրա խոսքով՝ Ադրբեջանի կողմից ցուցաբերվող աջակցությունը վկայում է երկու ժողովուրդների միջև եղբայրական հարաբերությունների մասին։

Պաշտոնյան նաև հավելել է, որ Հյուսիսային Կիպրոսը մեծ նշանակություն է տալիս թուրքական աշխարհի շրջանակներում համագործակցության զարգացմանը։ Հիշեցնենք, որ Ադրբեջանի նախագահ Իլհամ Ալիևը բազմիցս հայտարարել է, որ Ադրբեջանը շարունակելու է աջակցել Հյուսիսային Կիպրոսին։ 

*-— ՀԿԹՀ - Որպես անկախ պետություն` Հյուսիսային Կիպրոսի Թուրքական Հանրապետությունը ճանաչված է միայն Թուրքիայի կողմից