Կմեկնարկեն Իսակով-Արշակունյաց պողոտա ճանապարհահատվածի շինարարության աշխատանքները

Շինաշխատանքները կավարտվեն 18 ամսից:

Առաջիկա օրերին կմեկնարկի Իսակով-Արշակունյաց պողոտա ճանապարհահատվածի շինարարությունը:

Երևանի քաղաքապետարանում անցկացվող գործակարգավարական նիստում քաղաքապետ Տիգրան Ավինյանին զեկուցվեց, որ շինաշխատանքները նախատեսվում է ավարտել 18 ամսից։

Քաղաքապետ Տիգրան Ավինյանն ասաց, որ Արշակունյաց-Իսակով ճանապարհների միացումը Երևան քաղաքի ճանապարհային ցանցի բեռնաթափման առումով կարևորագույն նշանակություն ունի:

«Մեկ ու կես տարի հետո մենք ունենալու ենք Իսակովը Արշակունյացին միացնող ևս մեկ կամուրջ, որն անցնելու է Նորագյուղ թաղամասի հարկից հատվածով, որտեղ ենթադրվում է ևս մեկ խոշոր ներդրումային ծրագիր իրականացնել»,-ասաց քաղաքապետը։

Անդրադառնալով Գյուրջյան փողոցի շինարարությանը՝ քաղաքապետը նշեց, որ այն էականորեն կթեթևացնի երթևեկությունը պիկ ժամերին։