Կրեմլը չի բացահայտի, թե որ երկրներից կարող է Ռուսաստանը վառելիք ներմուծել

Մոսկվան բանակցություններ է վարում այլ երկրների հետ վառելիքի հնարավոր ներմուծման շուրջ՝ Ռուսաստանի վառելիքի շուկայում ստեղծված իրավիճակի ֆոնին։  Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

Ռուսական լրատվամիջոցների փոխանցմամբ Պեսկովն ասել է, որ Կրեմլը չի ​​բացահայտի տեղեկատվություն այն մասին, թե որ երկրների հետ է այդ հարցի շուրջ բանակցություններ անցկացնում։

«Հասկանալի պատճառներով մենք սա չենք քննարկի», - ասել է նա, երբ հարցրել են, թե որ երկրներից կարող է վառելիքի ներմուծում լինել։

«Շփումները  շարունակվում են», - հավելել է Պեսկովը։