Լաչինում «վերաբնակեցման» իրական պատկերը․ քաղաքը դատարկվում է, շինարարությունը՝ կանգ առել

Թուրք յութուբեր Ֆաթիհ Կոպարանը այցելել է 44-օրյա պատերազմի արդյունքում Ադրբեջանի վերահսկողությանն անցած տարածքներ, այդ թվում՝ Լաչին քաղաք։ Այցի ընթացքում քաղաքում բնակիչներից մեկը նշել է, որ վերաբնակեցման ծրագրով Լաչին տեղափոխված մի շարք մարդիկ հետագայում հեռացել են քաղաքից։ Նրա խոսքով՝ Լաչինում շինարարական գործընթացները կանգ են առել, իսկ աշխատատեղեր չկան։ Ներկայում քաղաքում հիմնականում բնակվում են տարեցներ։ 

Ստացվում է, որ Իլհամ Ալիևի ռեժիմը մարդկանց ուղղակի տեղափոխում է «ազատագրված» տարածքներ՝ միայն «հաղթական» տեսանյութերի և քարոզչական նպատակներով օգտագործելու համար, սակայն տեղափոխվածների համար չի ապահովում կյանքի նվազագույն պայմանները։ 

Արդեն բազմիցս անդրադարձել ենք այս թեմային՝ նշելով, թե ինչպես «բռնի տեղափոխվածները» սոցցանցերում պարբերաբար բողոքում են Ալիևի ռեժիմի կողմից տրամադրված «բնակարաններից», որոնք առաջին իսկ անբարենպաստ եղանակային պայմաններից հետո հայտնվում են ծանր վիճակում։