Մորեխների դեմ ավիացիոն սրսկումներ՝ Վերին Դվինում և հարակից բնակավայրերում

 Հուլիսի 28-ին՝ առավոտյան ժամը 07:00-ից, Վերին Դվին, Դվին, Նորաշեն, Հնաբերդ և Գետազատ բնակավայրերի հարակից տարածքներում իրականացվելու են օդային (ավիացիոն) քիմիական սրսկման աշխատանքներ՝ մորեխների դեմ պայքարի նպատակով։ Այս մասին տեղեկացնում է ՀՀ էկոնոմիկայի նախարարությունը:

Էկոնոմիկայի նախարարությունը հորդորում է ազդակիր բնակավայրերի բնակիչներին պահպանել անվտանգության հետևյալ կանոնները․

Սրսկման օրը մեղվաընտանիքները ժամանակավորապես տեղափոխել կամ պահել անվտանգ վայրում։ Խուսափել գյուղատնտեսական կենդանիներին սրսկվող տարածքներ արածեցման տանելուց։

 Հնարավորության դեպքում սահմանափակել մարդկանց ներկայությունը սրսկվող տարածքներում մինչև աշխատանքների ավարտը։

Նախարարությունը խնդրում է հետևել համայնքային պատասխանատուների ցուցումներին և խստորեն պահպանել անվտանգության կանոնները։