ՆԳՆ կրթահամալիրում անցկացվում է միջուկային անվտանգության ազգային աշխատաժողով

ՆԳՆ Փրկարար ծառայության և Ատոմային էներգիայի միջազգային գործակալության նախաձեռնությամբ հունիսի 15-19-ը ՆԳՆ կրթահամալիրում անցկացվում է «Հանրային միջոցառումների համար միջուկային անվտանգության միջոցառումների մշակման և իրականացման» թեմայով ազգային աշխատաժողովը, այս մասին հայտնում է ՀՀ ՆԳՆ ոստիկանությունը։

Աշխատաժողովին մասնակցում են ՆԳ նախարարության և շահագրգիռ կառույցների ներկայացուցիչներ, ինչպես նաև միջազգային փորձագետներ։ Քննարկումների առանցքում հոկտեմբերին Հայաստանում կայանալիք COP17 համաժողովի անվտանգության ապահովման նախապատրաստական աշխատանքներն են։

Քննարկվել են հանրային միջոցառումների ընթացքում միջուկային անվտանգության պլանավորման, ծառայությունների փոխգործակցության, արձագանքման և հաղորդակցության կազմակերպման հարցերը։ Մինչև COP17 նախատեսվում է անցկացնել նաև գործնական վարժանքներ՝ արձագանքման կարողությունների և միջգերատեսչական համագործակցության արդյունավետության բարձրացման նպատակով։